Galatasaray thuhet se është duke tentuar të josh yllin e Liverpoolit, Xherdan Shaqirit, për transferim në formë huazimi në Turqi gjatë muajit janar.

Reprezentuesi kosovar e Zvicrës ka qenë startues në vetëm dy ndeshje në Premierë Ligë këtë sezon pas kalimit të tij gjatë verës nga Stoke City në Anfild, transmeton portali arbresh.info. 

27-vjeçari ka pasur të limituara shanset e tij në skuadër për shkak të Sadio Manes dhe Mohamed Salahs, por ka shkëlqyer në momentin kur i është dhënë mundësia nga Jurgen Klopp.

Bazuar në një raport nga ‘TMW’, Faith Terim do t’i ofrojë një rrugë largimi anësorit kosovar gjatë merkatos së transferimeve në janar duke i siguruar një pozitë të rregullt në formacionin starutes te skuadra e tij.

Megjithatë, besohet se Liverpooli nuk do bëjë marrëveshje për largimin e një lojtari si Shaqiri, i cili konsiderohet si anëtar i rëndësishëm i skuadrës.

Po ashtu, raportet kanë sugjeruar se Real Betisi ka qenë duke kërkuar gjithashtu ish yllin e Bayern Munichut në rast se klubi anglez arrin të siguroj shërbimet e Iker Munianit nga Athletic Bilbao.

Shaqiri ka bërë gjithsej dhjetë paraqitje brenda të gjitha kompeticioneve për “Redsat” këtë sezon duke shënuar vetëm një herë deri tani.

Ai pritet të jetë i pranishëm në skuadrën e Liverpoolit për ndeshjen kundër Fulhamit të dielën, pasi ishte lënë jashtë linjave gjatë disfatës 2 me 0 kundër Red Star Belgrades në Ligë të Kampionëve./arbresh.info/